सचिन, विराट लाज वाटते की नाही?; नेटिझन्सचा सोशल मीडियावर संताप

नवी दिल्ली, दि. २६ (पिंपरी चिंचवड टाइम्स) – करोना तडाख्यामुळे जगभरात भीतीचे वातावरण आहे. लाखो लोकांना करोना व्हायरसचा फटका बसला आहे. प्रत्येक देश आपापल्या परीने या व्हायरसशी झुंज देत आहे. विविध उपाययोजना करण्यात येत आहेत. डॉक्टर आणि रूग्णालयातील इतर सहकाऱ्यांच्या अथक परिश्रमामुळे जवळपास लाखभर लोक करोनातून पूर्णपणे बरे झाले असल्याची माहिती आहे. योग्य ती काळजी आणि उपचार घेतल्यास हा आजार बरा होऊ शकतो, यावर साऱ्यांचा विश्वास असून सर्वत्र याबाबत जनजागृती केली जात आहे. सध्याच्या घडीला भारतासह संपूर्ण जग करोना विषाणूविरोधात लढत आहे. भारताचा शेजारी देश पाकिस्तानमध्येही करोनामुळे हालाकीची परिस्थिती निर्माण झाली आहे.

पाकिस्तानातील बहुतांश लोकांचा रोजगार हा रोजंदारीवर असल्यामुळे लॉकडाउन करणं शक्य नसल्याचं पंतप्रधान इम्रान खान यांनी काही दिवसांपूर्वी स्पष्ट केलं होतं. मात्र करोनाविरोधात लढण्यासाठी पाकिस्तानला सध्या अनेक गोष्टींचा सामना करावा लागतो आहे. अशा परिस्थितीत माजी क्रिकेटपटू शाहिद आफ्रिदी आपली जबाबदारी ओळखत गरजू व्यक्तींना मोफत अन्नधान्याचे वाटप करत आहे. तो त्यासंदर्भातील फोटो आणि अपडेटदेखील ट्विटरवरून साऱ्यांना देत आहे.

आफ्रिदीकडून केली जात असलेली मदत पाहून भारतातील क्रिकेटप्रेमी आणि नेटिझन्स यांनी सचिन तेंडुलकर, विराट कोहली आणि महेंद्रसिंग धोनी यांच्यावर जोरदार टीका केली आहे.

आफ्रिदीने आपल्या फेसबूक अकाऊंटवर एक व्हिडीओ पोस्ट करत, करोनामुळे पाकिस्तानमधल्या सध्याच्या परिस्थितीची माहिती दिली होती. अनेकांना अन्नधान्य, सॅनेटायजर, टिश्यू या सारख्या गोष्टी मिळत नसल्याचं आफ्रिदीने सांगितलं होतं. याच कारणासाठी आपण आपल्या लगतच्या खेड्यांमध्ये मोफत अन्नधान्य देण्याचा निर्णय घेतल्याचं आफ्रिदीने सांगितलं होतं.

Share this to: